Kom helg!

No er det snart helg. Og heldigvis for det! Eg skal vel helst setja pris på tida uansett, for det er heller meir av "KOR blir all tida av??!!!" enn "Å! Kan ikkje dagane gå litt fortare??!!!" Men eg kjem no ikkje utanom å gle meg til helga uansett.

I dag har eg måtta ha ein timeout for å samla meg litt. Timeouten har gått føre seg med litt sjokolade, teikning og total stillhet. Til vanleg går det i høg musikk og alle dører opne, men i dag trengte eg ro, både rundt meg og i øyrene. Slik er det vel berre innimellom. Skulle allerhelst hatt litt fyr i ein røykelse medan eg roa sjela, men med døra att ville eg nok heller blitt litt dårleg... Kjøkenet er ikkje SÅ stort, og vifta er ikkje SÅ god at det ville vore ei fornøying... Eg tar røykelsen i morgon heller. Om eg ikkje treng timeout då og.

Men sånn utanom. Dagens teikning vart til mest fordi eg vil læra meg å teikna hår. Dritbra, altså. So i dag har eg øvd meg litt på det. Kult nok! Har også maska på med ein meir presis og tørr blyant - om eg kan forklara det slik, so det vart ikkje like mørkt og smudgy som det vert til vanleg. Ein dag skal eg kjøpa meg nye blyantar. Og eg gler meg til det. Kanskje eg må ta eit bilete av blyantskrinet mitt, berre so de får sjå kor skante det er på den fronten om dagen. Eg har vel kvesst dei vel mykje etter kvart.

No fekk eg ein lur idè. Eg kan ynskja nye til bursdagen :-) Det høver seg VELDIG godt som gave *hint*hint*

Fortsatt god torsdag. God fredag. God helg.